NGA SHQIPERIA / E Mërkurë 5 Dhjetor 2018, 23:11

Burrat që ua panë hairin grave të tyre


Getoar Selimi prej vitesh e mban fronin e reperit më të popullarizuar. E, imazhi i tij u bë edhe më popullor kur ai u lidhë me prezantuesen bukuroshe Marina Vjollca. Për Marinën ky ishte i dashuri i parë, ndërkaq Geti për shumë kohë është konsideruar si “Kazanovë” i estradës.

Lidhja e Getit dhe Marinës u përshkua me shumë thashetheme, kishte edhe nga ata që pretendonin se kjo është një nga aventurat e radhës për Getin. Por, jo. Marina nuk ishte vetëm numër për reperin, por femra të cilën e qoi në kurorëzim…

Ata u martuan dhe martesa e tyre bëri bujë mediale. Martesa e çiftit të njohur ishte ndër më të përfolurat e vitit.

Bes Kallaku, burri i këngëtares më të bukur

Bes Kallaku është pëlqyer që kur ka dalë për herë të parë në ekran. Roli i Gjinit i dha lavdinë e mundshme djalit modest nga Bubqi, fshat të cilin e aktualizoi shumë. Nëse Bes Kallaku i dha Bubqit emër, atij i dha emër dhe famë shumë e fejuara, Xhensila.

Bukuroshja e skenës muzikore dhe humoristi e kanë kurorëzuar me martesë lidhjen disavjeçare.

 

Pse duhet t’i falënderohet Labi gruas së vet?

E aktualizoi “transferimi” nga “RTV 21” në “KTV”, por shumë më shumë e dashura, e fejuara dhe tashmë bashkëshortja simpatike, Qëndresa.

Labinot Gashi-Labi dhe Qëndresa Bajrami një kohë të gjatë ishin personazhet kryesorë të shou-bizit në vend.

Dasma e tyre mori gjithë vëmendjen e mundshme, ndërkaq kryefjala ishte nusja, Qëndresa.

 

Learta e nxori nga hija Kushtrimin

E, kush e ka njohur Kushtrim Salihun para se ai të lidhej me Learta Jakupin? Kushtrimi bëri “boom” sapo u fejua, sepse përkrah tij qëndronte një vajzë bukuroshe, që, për çudi, ngjasonte shumë me nënën dhe motrat e tij.

Learta u shndërrua në sensacion, në personazhin më të përfolur e më të diskutuar. Kushtrimi, dikur i panjohur, u desh ta duronte gjithë vëmendjen mediatike, ndërkohë që Learta dukej se e shijonte “spektaklin” e medieve.

Reja e Shyhretës, që tashmë është bërë nënë, vazhdon të jetë aktuale edhe më tutje…

 

Ariana, gruaja e famshme e Ermal Fejzullahut

Ka vite që Ermal Fejzullahu është në skenë, pranë publikut dashamirës që e mirëpret gjithmonë.

A ka menduar ndonjëherë se gruaja e tij do i bëjë konkurrencë me famë? Me gjasë, jo.

Por, ja që e shoqja e Ermalit, Ariana, është bërë një ndër anëtarët e familjes më me ndikim në publik. E ndjekur në rrjete sociale, e komentuar, e pëlqyer. Ermali tashmë ka në krahë një grua që arriti shpesh ta vë në pah edhe vetë atë, në momentet kur këngëtari nuk kishte ndonjë risi në muzikë.(Kosovarja)